اخشى على لاعبي الاحمر من نفسيات
زي لعنة وارغو يديها الدافي كمان جرعات
وترجعوا زي اول مغلوبين بالسبعات
وتطلعوا من المولد زي الفات
يجي سادومبا في رمشة عين يديكم بمبة ينسف مليارات
ويجي امبيلي تقول يا احمر ويلي من ستة متواليات
ياحمر لا تحزن لو كنت مهمش او راحات
لوكنت معلب او طازج نكهات
لو سيارتك كرت او مدمن ركشات
كان سلطتك سادة ام بفول حاجات
لو ماكل نيم او ايامك سالكات
لو في فندقة ناجح في فتة وشايل مادة سلطات
لو مفطوم بالدوم ولا عيشتك بوظة وكت كات
لو حظك كج واقف تج او ماشة معاك طوالي زي الوالي ليك نفحات
لو شبتك طاشة او ابراجك عاتيات
لو خالط موية مع البنزين ام سالم مكنات
لو خائف من ضغط او سكر شجع ازرق وانسى الفات
يحيا الموز ابو نقطة المختوم باحلى بصمات
غريبة الدنيا يوم تديك شلوت ويوم تديك ضحكات
لو كانت ساهلة ما كنا اتغربنا ربع قرن سنوات
كنا مشينا جزيرتنا زرعنا الحواشات
صلى ربي وسلم على طه محمد دوخري الحوبات
تعم الال والصحب والعمين والعمات
محمد احمد من شقائق طيبة ينال اعلى الدرجات
محمد احمد - السعودية
موضوع: قصيدة تدني نفسيات لاعبي المريخ 
الخميس مارس 04, 2010 10:34 pm